Оқушылар бойында Отанына беріктігін, азаматтық борышын өтеуге, конституциялық міндетін орындауға даярлығын және жоғары патриоттық сезімін қалыптастыру мақсатында сәуір айының 19-20 жұлдызы аралығында Орал қаласының №10 ЖОББМ спорт кешенінде  облыстық «Жас Ұлан» патриоттық және әскери-спорттық ойыны  оздырылды. Облыстық «Жас Ұлан» әскери-спорттық ойынына 14-17 жасқа дейінгі балалар  қатысты. Іс-шараға Ақжайық ауданы, Бөкей орда, Бөрлі, Жаңақала, Жәнібек, Зеленов, Казталов, Қаратөбе, Тасқала, Теректі аудандары, Орал қаласы № 41, 42 ЖОББМ, ОАТК №5, С. Сейфуллин атындағы №11 мектеп-интернатының оқушылары бас қосты. Ойын барысында командалар саптық даярлық, атыс даярлығы, әскери кросс, кермеге тартылу, командамен таныстыру презентациясы, «Тосын сый» байқаулары бойынша сынға түсті.

Курстың тақырыбы: «Балалар лагерлерінің қызметін ұйымдастырудың инновациялық жолдары».

Мақсаты:
- балаларға арналған білім беру сауықтыру орталықтарында, қала сыртындағы лагерьлерде қызмет ететін тәлімгер кадрларын дайындау;
- тәлімгер мамандығын арттыру үшін, теориялық және әдіснамалық оқыту, тәрбиелеу, балаларды дамыту негіздерін білетін тәрбие жұмысы бойынша директорлардың орынбасарларына, педагог-ұйымдастырушылары мен педагог кадрларға қолайлы жағдай жасау;