2018 жылдың 15-19 қаңтар күндері аралығында облыстың барлық техникалық және кәсіптік білім беру ұйымдарында білім алушылар мен колледж қызметкерлерін қатыстыра отырып,  Мемлекет басшысы Нұрсұлтан Назарбаевтың Қазақстан халқына «Төртінші өнеркәсіптік реформа жағдайындағы дамудың жаңа мүмкіндіктері» атты Жолдауы таныстырылып, талқыланды.

Шара барысында Елбасы жолдауынан үзінді видеороликтер көрсетіліп, Жолдауда қойылған 10 нақты міндетті, әсіресе, білім беру саласын дамытуға арналған 7 бағытты түсіндіру, талқылау жұмысы жүргізілді. Колледж ұжымы мен студенттері аталған 10 бағыт бойынша өз ойларын айтып, осы мақсаттарды жүзеге асыру бағытында еңбектену қажеттілігін жеткізді. Жолдауды талқылау бойынша колледжде өткен шараларға Батыс Қазақстан инновациялық-технологиялық университетінің профессоры, философия  ғылымдарының кандидаты Ж.К.Хайрушин, Батыс Қазақстан инновациялық-технологиялық университетінің оқытушысы, жаратылыстану ғылымдарының магистрі М.С. Тапишев, Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл Агенттігі Батыс Қазақстан облысы бойынша департаментінің  өкілдері, жастар ресурстық орталығының  жетекші мамандары, аудандық ішкі саясат бөлім басшылары, ақсақал кеңесінің төрағалары, еңбек ардагерлері, қамқоршылық кеңесінің мүшелері қатысып, Елбасының Жолдауда айтқан мақсат міндеттерін бірлесе орындауға шақырды.

Жолдауды түсіндіру бойынша шаралар аудандық газет беттерінде жарияланып, облыстың бұқаралық ақпарат құралдарында жарық көреді деп жоспарлануда.