Үстіміздегі жылдың 13-16 ақпан аралығында  Алматы қаласында жалпы білім беретін пәндер бойынша республикалық ғылыми-жобалар конкурсы өткізілді. Оған Батыс Қазақстан облысынан 16 жоба, 18 оқушы қатысты. Нәтижесінде облысымыздың қоржынына 2 алтын, 1 күміс және 2 қола медальдары түсті.

Қазақстан Республикасының Білім және ғылым министрлігі «Дарын» Республикалық ғылыми-практикалық орталығының жалпы білім беретін пәндер бойынша республикалық ғылыми-жобалар конкурсында ерекше жетістіктер көрсеткені үшін 13 оқушы «Дарын» Республикалық ғылыми-практикалық орталығының грамотасымен марапатталды және қатысқан 18 оқушыға сертификаттар табысталды.