2013 жылдың 1 ақпанында Батыс Қазақстан облысы білім басқармасының мектепке дейінгі, жалпы орта, техникалық және кәсіптік білім беру ұйымдарының облыстық оқу-әдістемелік кабинетінің ұйымдастыруымен Орал газ мұнай және салалық технологиялар колледжінде «ТжКББ ұйымдарындағы оқу-әдістемелік жұмыстың мазмұны және оны жоспарлау» тақырыбында облыстық семинары болып өтті.

Семинардың мақсаты-техникалық және кәсіптік білім беру ұйымдарындағы оқу -әдістемелік жұмыстардың ұйымдастырылу деңгейін анықтау,әдістемелік қызметтің құрылымы мен мазмұнын түсіндіру және колледждердегі шығармашылықпен жұмыстанатын әдіскерлерге қолдау көрсету,өзара тәжірибе алмасуды жүзеге асыру, әдістемелік - нормативтік нұсқаулар беру. Семинар бағдарламасында Орал газ,  мұнай және салалық технологиялар  колледжінің жоғары санатты әдіскері С.Н.Обезьянованың қызметтік тәжірибесінен шығармашылық есебі тыңдалса, «Мұнай мен газды сақтау және тасымалдау» арнайы пәндерінің циклдық комиссиясының әдістемелік жұмысының ұйымдастырылуы туралы жетекшісі Ж.Т.Қойбағарованың тәжірибесі және «Еңбекті қорғау және өндірістік экология негіздері» пәнінен жоғары санатты оқытушы В.В.Кучканованың шеберлік кластары ұйымдастырылды. Шара соңы әдіскерлерге арналған «Өзін-өзі тану» пәнінің оқытушысы О.В.Башмачникованың «Быть собой» атты телесабағымен жалғасып, рухани –адамгершілік қағидаларына деген жан-жақты әсер беріп, мазмұнды шара пікір алмасумен қорытындыланды.