Бүгін, дәл қазір облыстық білім басқармасының кіші мәжіліс залында басқарма басшысы Шолпан Қадырованың модераторлығымен үкіметтік емес ұйымдар жетекшілерімен кездесу өтуде. Басқосуда білім саласындағы өзекті мәселелер талқылануда.

Әкімшілік бөлімнің басшысы Жанна Абдраxманова жиналғандарды педагогтарды аттестаттаудың жаңа моделімен таныстырып өтті. Кәсіптік білім және кадрларды дайындау бөлімінің басшысы Гүлжан Жүсіпқалиева тегін кәсіптік білім беру аясында сөз қозғады. Облысымызда инклюзивті білім берудің жүзеге асырылуы жайында инклюзивті, арнаулы білім беру, қорғаншылық және қамқоршылық бөлімнің бас маманы Ерік Тұяқов жеткізді. Шолпан Маратқызы атап өткеніндей, ортақ мақсаттарға жетуде білім басқармасы тарапынан ҮЕҰ-мен бірлескен жоспарлы жұмыстар атқарылатын болады және осындай басқосулар жылына екі мәрте ұйымдастырылып тұрмақ. Басқосу соңында білім басқармасымен қоян-қолтық жұмыстанып, оң бастамаларға ұйытқы боп жүрген "Бәйтерек" қоғамдық бірлестігінің төрайымы Меруерт Санкаева мен "Нұр" ҚБ төрағасы Геннадий Франк ҚР Білім және ғылым министрлігінің алғыс xатымен марапатталды.