Дарынды балаларға арналған мамандандырылған С.Сейфуллин атындағы №11 облыстық қазақ мектеп-интернат кешені базасында педагогтердің жаңа идеялар мен жаңалықтарды енгізуіне, жұмыс тәжірибелерімен өзара бөлісуіне қолдау көрсету, педагогикалық озат тәжірибе алмасу алаңын құру, әдістемелік жұмыстарды жандандыру, эксперттеу, анықтау және тираждауға ықпал ету мақсатында аудандық (қалалық) білім беру бөлімдерінің әдіскерлері, шағын жинақталған мектептерге жетекшілік ететін мамандар, ресурстық орталықтың директорлары, шағын жинақты мектеп директорлары, оқу ісі жөніндегі орынбасарлары, мектепке дейінгі, бастауыш сынып, дене шынықтыру және алғашқы әскери дайындық пәндері педагогтері, кітапханашыларға арналған «Педагог қызметкерлердің кәсіби ықпалдастығы: ізденіс және тәжірибе» тақырыбындағы облыстық педагогикалық инновациялар жәрмеңкесі оздырылды.

Педагогикалық инновациялар жәрмеңкесіне 400-ден астам педагог қатысты.
Жәрмеңке барысында жаңашыл педагогтер стендтік таныстырылым, шеберлік сыныбы, оқыту семинары, мультимедиялық презентация бағыттары бойынша жұмыстанып, ұтымды идеяларын ортаға салады.
Жәрмеңкеге қатысушылар оқытудың түрлі белсенді әдіс-тәсілдерін қолданып, тәжірибелерімен бөлісіп, көкейтесті сауалдарына жауап ала отырып, өз қоржындарын толықтырды.
Секция жұмысында жаңа оқу жылында білім берудің басым бағыттары мен міндеттері белгіленіп, ұсынымдар қабылдаумен аяқталды.