2013 жылдың 4 ақпанынан бастап облыстық ПДПК жанынан даму мүмкіндігі шектеулі балаларға арналған 5 түзеу-диагностикалық тобы ашылды: - тірек-қимыл аппаратының бұзылыстарымен (айқын білінетін қозғалыс бұзылыстарымен);

- балалар аутизмімен;

- Даун синдромімен;

- сөйлеу тілінің ауыр бұзылыстарымен;

- кохлеарлық имплантациядан кейінгі балалар.

Балалармен түзеу-дамыту сабақтарын арнайы педагог-дефектологтар (олигофренопедагог, сурдопедагог), логопедтер, психолог, әлеуметтік педагог, тәрбиешілер, ЕДШ мұғалімі, массаж маманы, музыкалық ритмика бойынша педагог жүргізеді.

Балаларға арнап интерактивті тақтамен жабдықталған мамандар кабинеттері, жұмсақ модульдері бар ойын бөлмесі, педиатрлік ортопедтік тренажерлер қолданылатын ЕДШ және емдік массаж кабинеті, үй шаруашылығы бойынша сабақтар өткізілетін әлеуметтік-тұрмыстық бағдар беру бөлмесі, психологиялық босаңсу бойынша сабақтар өткізуге арналған сенсорлық кабинеті жабдықталған.