Ағымдағы жылдың 26 қыркүйек күні білім басқармасының мектепке дейінгі, жалпы орта, техникалық және кәсіптік білім беру ұйымдарының оқу-әдістемелік кабинетінің ұйымдастыруымен физика, информатика пәндерін ағылшын тілінде оқытатын педагогтерге әдістемелік қолдау көрсету, сүйемелдеу, тәжірибе алмасу мақсатында дарынды балаларға арналған мамандандырылған "Білім-инновация" мектеп-лицей-интернатының базасында «Физика, информатика пәндерін ағылшын тілінде оқытуды енгізу: тәжірибе, мәселе, перспектива» тақырыбында тәжірибе алмасу алаңы өтті.

Тәжірибе алмасу алаңында дарынды балаларға арналған мамандандырылған "Білім инновация" мектеп-лицей-интернатының информатика пәні мұғалімі М.К.Мырзатов пен физика пәнінің мұғалімі А.Е.Арназар ашық сабақтар берсе, С.Сейфуллин атындағы №11ОҚМИК-нің физика пәні мұғалімі Е.С.Омаров, М.Б.Ықсанов атындағы №36 ЖОББМ-нің физика пәні мұғалімі А.М.Шарипова, №28 мектеп-лицейінің информатика пәні мұғалімі З.М.Кравченко сыныптан тыс шараларын көрсетті.

Назарбаев Зияткерлік мектебінің физика пәні мұғалімі У.М.Бекешев, №25 ЖОББМ-нің физика пәнінің мұғалімі Ұ.Д.Кабдрахимова мен ДБАМ №8 облыстық мектептің информатика пәні мұғалімі Е.В.Полулях шеберлік сыныптарында іс тәжірибелерімен бөлісті.

«USTAZ» кәсіби оқыту орталығының ментор-тренері Ғайнолла Сейтуғали Сейтқажұлы аталмыш шараға қатысып, ағылшын тілінде сабақ беріп жүрген мұғалімдердің сұрақтарына жауап берді.