Биыл Bilim Media Group компаниясы Lenova және Microsoft компанияларымен бірлесе отырып, шағын жинақты мектептерге әрі компьютер, әрі планшет болып саналатын жаңа BilimBook құрылғысын ұсынды. Құрылғының Қазақстан мектептерін интерактивті оқытудың жаңа сатысына көтеретініне сеніміміз мол. BilimBook компьютер-планшетінің мазмұны (контенті) 30 мыңнан астам интерактивті сабақтан, миллионнан аса видеоанимациядан, 44 мыңнан аса тест сұрағынан тұрады. Құрылғы оқушының танымдық белсенділігін және оқуға ынтасын арттыруға арналған компьютер-планшет. Бұл құрылғыны бала үйде де, мектепте де пайдалана алады. Оқушыға үй тапсырмасын орындауға, өткен сабақты еске түсіруге, тақырыпты пысықтауға, есептер шығаруға, жаттығулар, тапсырмалар орындауға көмектеседі.

Макаров ЖОБМ-нің математика және информатика пәні мұғалімі Г.Б.Акбулатова:

Жаңа оқу жылында BilimBook құрылғысымен Макаров жалпы орта білім беретін мектебі ауыл және қала мектептерінің деңгейін теңестіру мақсатында шағын жинақталған мектеп ретінде 3 Bilim book кешенімен қамтылды. Аталған құрылғылар ағылшын тілі, информатика және бастауыш сынып кабинеттеріне орнатылып, мұғалімдердің сабақ өткізудегі таптырмас көмекші құралына айналған. Әр түрлі пәндер бойынша қазақ, орыс және ағылшын тілдеріндегі жүз мыңға жуық сабақ. Bilim Land - заманауи мұғалімнің сабақ беру барысында қолданатын қосымша құрал. Бұл баланы оқытудағы жеке интерактивті көмекші. Біздің қызықты сабақтарымыз балаға мектепке дайындалуға, бастауыш сыныптарда білімге қызығушылығын ояту, жоғары сыныптарда математика, физика, химия, биология және басқа пәндер бойынша күрделі тақырыптарды оңай және жеңіл түсіндіруге және ҰБТ-ны ойдағыдай тапсыруға көмектеседі. Bilim Land оқу материалдары ыңғайлы уақытта, ыңғайлы орында, кез келген құрылғыда қолжетімді. Алдағы уақытта оқушыларымыздың оқуға деген қызығушылығы артады деп есептеймін.