13 қазан күні Орал қаласының №37 Жалпы орта білім беретін мектебінің базасында ҚР білім және ғылым министрлігі, Астанадағы Отбасылық Тәрбиелеу Институты және «Нұр Отан» партиясының бірлесе ұйымдастыруымен еліміздің барлық аумағында бастау алған ХХІ ғасыр ата-аналарының «Өз балаңа үлгі бол» республикалық ата-аналар конференциясы өзінің басты мақсатын қамтып, «2-4 сынып оқушыларының ата-аналарына психологиялық көмек» тақырыбында болып өтті.

Мектеп есігін жаңа ашып, білім әлеміне енген әр жеткіншек үшін маңызды болар алғашқы күндерден- ақ олардың жалпы дүниетанымын өзгертіп, психологиялық тұрғыда қолдаудың маңыздылығына тоқталған мектеп директоры Тамара Мусиншина бүгінгі іс-шараның мән-жайын жіті түсіндірген соң конференцияың жүру барысымен таныстырып өтті. Конференция барысында Отбасы тәрбие институты дайындаған көркем видео фильмдер көрсетіліп, тренингтер мен сауалнамалар көрсетілді.Бұл конференция ата-аналар мен мектептің тығыз қарым-қатынасын одан әрі жалғай түсетін алтын көпір болары сөзсіз. Бала тәрбиесін жақсарту, әр баланы ерекше тұлға деп тану үрдісі өз ретімен көшке ілесе беруі шарт. Сонда ғана өміріміздің жалғасы, қоғамның ертеңі болар сенімді жас ұрпақ қалыптасатыны аян.