Білім басқармасының 2012 жылғы 12 қыркүйектегі №633 бұйрығына сәйкес 2012-2013 оқу жылы «Қадыр Мырза Әлі жылы» деп жарияланып, жоспарға сай іс-шаралар өткізілуде. Аталған жоспарға сәйкес облыстық І Қадыр оқулары байқауы 2013 жылдың 15 ақпаны күні «Дарын» қосымша білім беру орталығының базасында өтті.

Байқаудың облыстық турына облыстық мектептер, қалалық және аудандық оқулардың 45 жеңімпазы қатысты.

Қатысушылар «Сөздің бәрі құдіретті...» бағамында ақынның шығармашылығынан өздеріне ұнаған өлеңдерді оқыды, «Кейбір жырым дән ұшырып қырманда, Кейбір жырым бақташы боп жүр маңда...» бағамы бойынша ақынның сөзіне жазылған әндерді орындады және «Қуып шығар қызыл сөзді ой кейін» бағамында ақын рухына арнап, өз шығармаларын оқыды.

«Сөздің бәрі құдіретті...» бағамы бойынша байқау шарттарын толық орындаған Бөрлі ауданы, Ақсай қаласының №3 жалпы орта білім беретін мектебінің 10-сынып оқушысы Мұхамбеткереева Гүлім, «Кейбір жырым дән ұшырып қырманда, Кейбір жырым бақташы боп жүр маңда...» бағамы бойынша Тасқала ауданы, Ы.Алтынсарин атындағы жалпы орта білім беретін мектептің 7-сынып оқушысы Серіков Ақжолды, «Қуып шығар қызыл сөзді ой кейін...» бағамы бойынша Жаңақала ауданы, Жаңақала жалпы орта білім беретін мектептің 11-сынып оқушысы Жұмағұлов Жандарбек бас жүлде иегерлері атанып, облыстық білім басқармасының дипломдары мен сыйлықтар табыс етілді.