Ағымдағы жылдың 15 ақпан күні Орал қаласындағы дарынды балаларға арналған мамандандырылған С. Сейфуллин атындағы №11 облыстық қазақ мектеп-интернат кешені базасында «Назарбаев зияткерлік мектептері» ДББҰ «Педагогикалық шеберлік орталығы» Орал қаласындағы  филиалы мен Батыс Қазақстан облысы білім басқармасының мектепке дейінгі,жалпы орта,техникалық және кәсіптік білім беру ұйымдарының облыстық оқу-әдістемелік кабинетінің ұйымдастыруымен «Жаңа форматтағы біліктілік арттыру курс бағдарламасының іске асырылуы: сабақ үрдісі, рефлексия» тақырыбында тұрақты семинар-практикумы өткізілді. Семинарға облыстық, аудандық (қалалық) әдістемелік кабинет басшылары, кураторлар,мектеп директорының оқу-әдістемелік жұмыс жөніндегі орынбасарлары, біліктілік арттыру курстарынан өткен мұғалімдер қатысты.

Қатысушылар Педагогикалық шеберлік орталығы қызметкерлерінің қатысуымен жалпы білім беретін мектеп педагогтардың жаңа форматтағы біліктілік арттыру курстарын бағдарламасының мектеп жағдайында іске асу жолдарымен танысты. Бағдарламаның сабақ үрдісін жетілдірудегі тәжірибелік ерекшеліктерімен танысу арқылы әдістемелік қызметті жобалау көрсетілді.

Болашақта тұрақты семинар-практикум шеңберінде: оқыту үрдісіде критериалды бағалау, «Lesson Study», коучинг и менторинг мәселелері жеке-жеке қарастырылмақ.