Ағымдағы жылғы 18 сәуірде салауатты өмір салтын ұстануды насихаттау, зиянды әдеттерден бойды аулақ ұстауға тәрбиелеу, бұқаралық спортпен шұғылдану, күнделікті уақытта жаттығу жасауды дағдыға айналдыру және спортқа деген қызығушылықты арттыру мақсатында Орал қаласының мектептен тыс жұмыс орталығында «Салауатты ұрпақ – ел болашағы!» атты жасұландықтармен бұқаралық жаттығу ұйымдастырылды. Іс-шараға қаланың мектеп оқушылары, жасұландықтар, жас спортшылар қатысты.

Жаттығу арқылы спорт әлеміне бет бұрып, тіпті үлкен жетістіктерге қол жеткізуге болады. Дегенмен де, жаттығу жасау – өз денсаулығыңды сақтаудағы ең оңай әдістердің бірі болып қала бермек. Жаттығу барысында дене шынықтыру саласының мамандары, мұғалімдер, жас спортшылар, каратэшілер мен таэквондошылар жаттығудың тиімділігі жайында айтып берді. Сонымен қатар, жаттығу жасауға және жалпы білім беретін мектептердің оқу ісі меңгерушілері,  мұғалімдер мен тәлімгерлер қатысты. 500-ге жуық балалар мен жасөспірімдер, салауатты өмір салтын ұстанушы белсенді топ мүшелері іс-шараға өз үлестерін қосты.