Білім беру ұйымдарында шығармашылықпен жұмыстанатын педагогтардың тәжірибелерін қолдау және насихаттау мақсатында Батыс Қазақстан облысы білім басқармасының мектепке дейінгі, жалпы  орта, техникалық және кәсіптік білім беру ұйымдарының облыстық оқу-әдістемелік кабинетінің 2013 жылғы 18 наурыздағы №18 бұйрығына сәйкес ағымдағы жылдың  18-19 сәуір аралығында № 1 ЖОББМ базасында «Үздік дене шынықтыру мұғалімі» облыстық байқауы өткізілді. Байқауға аудандық, қалалық білім бөлімдерінен, облыстық мектептерден 13 мұғалім қатынасты.

Мақсаты:

- Дене  шынықтыру оқытушыларының мәртебесін көтеру, дарынды педагогтарды айқындау, қолдау және марапаттау, олардың педагогикалық шеберліктерін арттыру;

- озық тәжірибені, дене шынықтыру пәнін оқытудың жаңа технологияларын анықтау және тарату;

- оқушыларға салауатты өмір салтын оқыту сапасын арттыру;

Байқау екі кезеңнен тұрды: аудандық және облыстық.

Байқаудың кезеңдерінде қатысушының портфолиосы, ашық сабақтары (бейнетаспа) және оқу-тәрбие жұмысының бағдарламасы қаралды.

Облыстық кезең екі бағыт бойынша 3 турда өтті:

І тур «Менің  кәсіби таңдауым » өзін-өзі таныстыру (5 минут).

ІІ тур «Үміткердің өз қалауы бойынша  ашық сабақ  беріледі»  (20 минут).

ІІІ тур  «Кім жүйрік?» (сабаққа қатысты тест жұмысы 45 минут).

Әділқазылар шешімі негізінде жеңімпаздар анықталды.

І орын – ОДБАМ С.Сейфуллин атындағы №11 ОҚМИК дене шынықтыру мұғалімі Мырзагереева А.Т.

ІІ орын – Жаңақала ауданы, Айдархан ЖОББМ дене шынықтыру мұғалімі Набидуллин Е.М.

ІІІ орын – №43 ЖОББМ  дене шынықтыру мұғалімі Үбишев Ы.К.

Номинация иегерлері:

- «Талантты ұстаз» - Еременко Ю.Н., Зеленов ауданы, Даринск ЖОББМ;

- «Жаңа ғасыр ұстазы» - Бижанов О.Р., Теректі ауданы, Еңбек ЖОББМ;

- «Шығармашыл ұстаз» - Қ.Нагиев, Тасқала ауданы, Қ.Сәтбаев атындағы ЖОББМ.

Дене шынықтыру мұғалімдері байқауында жетістікке жеткен мұғалімдер Білім басқармасының дипломдары және бағалы сыйлықтарымен марапатталды.