Ағымдағы жылдың 24-25 сәуір аралығында Орал қаласының №5, 43 ЖОББМ-нің базасында «Жылдың үздік жаңашыл сынып жетекшісі» облыстық байқауы өткізілді. Байқауға 16 үміткер қатысты.

Мақсаты: қазіргі қоғамдағы тәрбиенің рөлін арттыру, жалпы орта білім беру жүйесіндегі тәрбие үрдісін жетілдіру және тәрбие жұмысының деңгейін арттыру мақсатында шығармашылықпен айналысатын жаңашыл сынып жетекшілерді анықтау және қолдау көрсету.

Байқау екі кезеңнен тұрды: сырттай және күндізгі кезеңдер.

Байқаудың сырттай кезеңінде әр қатысушының ата-аналар жинылысынан үзінділері бейнетаспа түрінде қаралды.

Күндізгі кезең 2 турда өтті:

1-ші тур «Сынып жетекші өмірінен бір күн» тұсаукесері.

2-ші тур әлеуметтік жоба қорғау.

Жеңімпаздар:

Бас жүлде – Закиева Гулдана Умирханқызы (Орал қаласы).

1 орын – Исмагулова Гүлмерей Манарбекқызы (Облыстық мамандандырылған дарынды балаларға арналған мектеп-интернат).

2 орын – Бақытов Артур Ерғазыұлы (Зеленов  ауданы).

3 орын –Бисенгалиева Акжан Насимоллиевна (Облыстық дарынды балаларға арналған №11 С.Сейфуллин атындағы мектеп-интернат кешені).

3 орын – Садирова Актоты Карловна (Бөрлі ауданы).

Номинация иегерлері:

«Тәжірибе және шеберлік» - Айтанова Мирамгуль Ирсаиновна (Дарынды балаларға арналған мамандандырылған №8 облыстық мектеп).

«Ізденімпаз» - Сейткалиева Гүлмира Қазбекқызы (Қаратөбе ауданы).

Байқау жеңімпаздары дипломдар және бағалы сыйлықтармен марапатталды.