Батыс Қазақстан облысы білім басқармасы мектепке дейінгі, жалпы орта, техникалық және кәсіптік білім беру ұйымдары облыстық оқу-әдістемелік кабинетінің ұйымдастыруымен ағымдағы жылдың 14 мамыр күні Ақжайық ауданының М.Әуезов атындағы жалпы орта білім беретін мектебінде «Ресурстық орталықтың тірек мектептеріндегі жұмыстарды ұйымдастыру ерекшеліктері» тақырыбында облыстық семинар-кеңес өткізілді. Семинарға барлық аудандардан әдістемелік кабинет меңгерушілері, ресурстық орталықтың директорлары, әдіскерлер қатысты.

Семинар жұмысы шағын жинақты мектептердегі тірек мектептерін (ресурстық орталық) ашуды ұйымдастыруды қолдау және бақылау жүргізетін Үйлестіру Кеңесінің отырысымен өз жалғасын тапты.

Семинардың басты мақсаты: облысымыздағы тірек мектептер мен ШЖМ-ң оқу-тәрбие үрдісіндегі келелі мәселелерді ортаға салып, пікір алмасу.

Семинарда ресурстық орталықтың білім беру қызметінің ұйымдастырылу ерекшеліктері, элективтік курстардың өткізілуі туралы, ресурстық орталықтағы әдістемелік бірлестіктердің жұмысын ұйымдастыру, сессиялық тапсырмалардың ерекшеліктері,  әріптестердің бірлескен жұмыстарының бейіндік және кәсіптік бағыттағы оқытудың нәтижелілігі, шағын жинақты мектептер мен ресурстық орталықтың қызметін жетілдіру бағытында мазмұнды мәліметтер берілді. Семинар кеңес соңында қатысушылар өз ойларын айтып, пікір алмасты.