Батыс Қазақстан облысының білім басқармасы мен физика-математика бағытындағы Назарбаев Зияткерлік мектебінің бірлескен жоспарына негізінде мектепке дейінгі, жалпы орта, техникалық және кәсіптік білім беру ұйымдары облыстық оқу – әдістемелік кабинетінің ұйымдастыруымен ағымдағы жылдың 8 ақпаны күні Назарбаев Зияткерлік мектебі базасында Қазақстан Республикасының Президенті Н.Ә.Назарбаевтың «Қазақстан жолы-2050: Бір мақсат, бір мүдде, бір болашақ» аты Қазақстан халқына Жолдауын жүзеге асыру,«Назарбаев Зияткерлік мектебі» тәжірибесін қосымша білім беру ұйымдары мен жалпы білім беретін орта мектептерге енгізу мақсатында «Робототехника үйірмесінде оқушылардың зерттеу дағдыларын дамыту» атты облыстық семинар – практикум өткізілді.

Семинар-практикумге аудандық, қалалық техникалық бағытта жұмыстанатын қосымша білім беру педагогтары, облыстық білім беру мекемелерінің физика, информатика пәні мұғалімдері, М.Өтемісов атындағы БҚМУ-нің ақпараттық технологиялар департаменті және КазИИТУ-дің «Технология бөлімі» кафедрасының мұғалімдері қатысты. Семинарға қатысушылар саны барлығы - 32.

Семинар-практикум барысында Назарбаев Зияткерлік мектебінің педагог-психологы Л.Б.Нигиметова «Таныс болайық» тренингісін өткізді. Халықаралық информатика пәні мұғалімі П.Н.Прагасен «Робототехникаға ену Lego NXT: құрастыру және программалау» атты іс-тәжірибесімен таныстырып, шебер класс өткізді. 7«А» сынып оқушысы А.Сабыр, 8«А» сынып оқушылары А.Бекетов, Е.Абай, Е.Калихан, 9«G» сынып оқушысы Д.Граница және 11«А» сынып оқушысы М.Булганбаев құрастырған жұмыстарынан презентация жасады.

Семинар-практикум соңында ұсыныстар қабылданды.