2014 жылдың 4 қарашасында Орал қаласы №44 орта жалпы білім беретін мектебінің базасында математика пәні мұғалімдерінің арасында облыстық «Математикалық регата» турнирі оздырылды.

Турнир шығармашылықпен жұмыс жасайтын педагогтарды анықтау, қолдау және мәртебесін көтеру мақсатында өткізілді. Білім сайысына аудандық (қалалық), облыстық мектептерінен барлығы 17 топ қатысты.

Қазылар алқасы мүшелерінің шешімі бойынша Облыстық дарынды балаларға арналған мамандандырылған мектеп-интернаттың «Интеграл» тобы І орын, ІІ орынды Жаңақала ауданының «Larus» және  Дарынды балаларға арналған  мамандандырылған С.Сейфуллин атындағы  №11 облыстық қазақ мектеп - интернат кешенінің  «Батыс ІІ» топтары, ал  ІІІ орынды М.Өтемісов атындағы облыстық сауықтыру мектеп-интернатының «Серпін», Ақжайық ауданының «Болашақтың кепілі» және Cырым ауданының «Атом» топтары өзара бөлісті. Турнир барысында күрделі есептерді шығаруда түрлі амал- тәсілдерді қолданып, ерекше шығармашылықпен көзге түскен Орал қаласының №17 ЖОББМ «Евклид» тобына «Математикалық интуиция», Қаратөбе ауданының «Вундеркинд» тобына «Кеңістікті елестету», Казталов ауданының «Квартет» тобына «Ұшқыр ой»  номинациялары берілді.