2014 жылдың 27 қараша күні облыстық жетім және ата-анасының қамқорлығынсыз қалған балаларға арналған мекемелердегі тәрбиеленушілер үшін «Ризашылық», «День благодаренья» қайырымдылық мерекесі өткізіледі.

Күні бойы тәрбиеленушілер мерекелік және ойын-сауық шараларға қатысатын болады.

Мерекелік шара Қазақстан Республикасының тұңғыш Президент күні қарсаңында ұйымдастырылатындығын ескере отырып, тұңғыш Президенттің өмірі мен Қазақстан Республикасының тәуелсіздігі туралы мәліметтер мерекелік шаралардың бағдарламасында толықтырылды.

Дәстүр бойынша балалар үйінің тәрбиеленушілеріне Сара Алпысқызының атынан сыйлықтар табыс етіледі.

Аталған мерекеге облыс әкімі Н.А.Ноғаев, білім басқармасының басшысы А.А.Мыңбаева, демеушілер, ашық қоғамдық бірлестігінің басшылары және бұқаралық-ақпарат құралдарының өкілдері қатысуы жоспарланған.