Орал қаласының №35 «Шұғыла» бөбекжайы базасында аудандық, қалалық білім беру бөлімінің мектепке дейінгі тәрбиелеу мен оқыту бойынша әдіскерлеріне, жеке мектепке дейінгі ұйымдарының директорлары мен әдіскерлеріне арналған «Мектеп жасына дейінгі баланың бойында ақпараттық құзыреттілікті қалыптастырудағы отбасы мен балабақша арасындағы қарым-қатынасты орнату жолдары» тақырыбында тәжірибе алмасу семинары оздырылды.

Семинарда ата-аналардың белсенді қатысуымен бөбекжай мен отбасының тығыз байланыстағы жұмысы көрсетілді. Сонымен қатар жеке мектепке дейінгі ұйымдардың тәрбиелеу мен оқыту бойынша қызметін жүргізу және рационалды тамақтандыруды ұйымдастыру мәселелері қаралды.