«Қазақстан Республикасының Гимнін орындау» атты республикалық акция аясында техникалық және кәсіптік білім беру ұйымдарында Қазақстан Республикасының Мемлекеттік Гимні орындалды.

Мемлекеттік рәміздер Күніне арналған іс-шаралар барлық колледждерде оқу жылының басында бекітілген жоспар бойынша жүзеге асты. Мерекелік шара барысында рәміздердің маңызы терең түсіндіріліп, ҚР Тәуелсіздіктің 25 жылдығына орай өткізілген шараларға белсенді қатысқан білім алушылар, үздік топтар, облыстық және халықаралық спорттық жарыстарда жеңіске жеткен оқушылар дипломдармен, алғыс хаттармен марапатталды. Салтанатты жиын соңында колледж оқушылары мен педагогтар флеш-мобқа қатысты.