Жазғы кезеңде қосымша білім беру ұйымдарының басты мақсаты оқушылардың шығармашылық қабілеттерін дамыту және оны жүзеге асыруға жағдай жасау болып табылады. Жазғы лагерь ауысымдарын немесе бос уақытын ұйымдастыру кезінде балалармен жұмыс жасаудың мазмұны олардың жеке қызығушылықтары, қабілеттері және ата-аналары, ұстаздарымен бірлесіп шығармашылығы негізінде жұмыстануына басты назар аударылады.

«Дарын» жазғы лагерінің оқу озаттарына арналған бағдарлы ауысымдары, «Самал» туристік лагерінің «Жас құтқарушы» ауысымы, қабылдаушы отбасында тәрбиеленетін оқушыларға «Отбасылық лагерь» ауысымы, «Жігер», «Қайсар» және «Айбын» әскери-патриоттық лагерьлері, «Еуразия», «Самал», «Достық», «Арай», «Атамекен», «Алау» туристік-сауықтыру лагерьлері жаз бойы оқушыларға қоршаған орта, табиғатпен қарым-қатынас жасауға, өздерінің энергиясы мен шығармашылық қабілеттерін жүзеге асыруға кең  мүмкіндік береді.