2016 жылдың 27 маусым күні Жаңақала колледжінде «Дуальды оқыту жүйесін енгізу - бүгінгі күннің талабы» тақырыбында аймақтық дөңгелек үстел өткізілді. Дөңгелек үстелдің бағдарламасы бойынша қонақтар колледждің материалдық –техникалық базасымен таныстырылды, дуальды оқытуды ұйымдастыру бағыты туралы бейнематериал көрсетілді.

Дуальды білім беруде және өндірістік машықты өткізу барысында Жаңақала колледжімен тығыз байланыста болған әлеуметтік серіктестік басшыларына Жаңақала колледжінің директоры С.Ж.Жардемалиев ризашылығын білдіріп, алғыс хаттар табыс етті.

Дөңгелек үстелдің  қорытынды кезеңінде  Білім басқармасы басшысының  орынбасары Н.М. Сабиров,  Кәсіпкерлер  палатасының бөлім басшысы А.Қ. Абулкаирова, Жаңақала колледжінің директоры  С.Ж. Жардемалиев «Сагингалиев Н.С.» жеке кәсіпорынының басшысмен «Автомобиль көлігіне қызмет көрсету, жөндеу және пайдалану» мамандығы бойынша дуальдық оқытуды кеңінен пайдалану жөніндегі төрт  жақты келісім шартқа  қол қою  рәсімін өткізді. Жалпақтал аграрлық және салалық технологиялар колледжінің директоры М.С.Есмағұлов Жалпақтал ауылының «Абуов Т.Г.» ЖК-мен  «Фермер шаруашылығы» мамандығы бойынша төрт  жақты дуальдық оқытудың ынтымақтастық  жөніндегі келісім шартқа  қол қойды.

Шара соңында дуальды оқытуды қолданып, білім алған колледждің түлектеріне диплом табысталды.