2016 жылғы 28 маусым күні «Жалпыға ортақ Еңбек Қоғамы» идеясын ілгерілету  мақсатында Ұлт жоспарының «Біртектілік пен бірлік» 4-ші реформасын жүзеге асырудағы іс – шаралар жоспарының аясында Білім басқармасы техникалық және кәсіптік білім беру ұйымдарымен «Еңбек жолы» атты облыстық фестивалін откізді.

Фестивальдің басты мақсаты – аға буын өкілдері мен жастар арасында байланыс орнату, ұрпақтар сабақтастығын жалғастыру, жастарды еңбекке баулу.

Еңбек фестиваліне «Қоғамдық келісім» КММ эксперттік-аналитикалық бөлімінің басшысы А.Т.Жумина, Орал газ, мұнай және салалық технологиялар колледжінің ардагері Е.А.Куфаева және Батыс Қазақстан индустриалдық колледжінен Тапаловтар мен Серебряковтар әулеттері, Орал технологиялық «Сервис» колледжінен «Тігінші» мамандығының иегерлері Ляшевтар әулеті, Технологиялық колледжінен «Аспазшы» мамандығы бойынша Лұқпановтар әулеті және Орал политехникалық колледжінен  «Автокранның жүргізушісі» маманы Слук әулетттері шақырылып, Орал қаласындағы колледж студенттері қатысты.

Іс-шара барысында еңбек ардагерлері мен әулет өкілдері өздерінің еңбек жолдары туралы айтып, жастарды еңбекқорлыққа, отансүйгіштікке шақырды. Қонақтарға арналған шағын концерттік бағдарлама ұйымдастырылып, кеш соңында колледж директорлары алғыс хат пен гүлшоқтарын сыйлады.