Ағымдағы жылдың 10 тамызы күні Орал қаласы №47 ЖОББМ базасында «Шағын жинақты мектептегі оқу-тәрбие үдерісін ұйымдастырудағы жаңа тәсілдер» тақырыбында шағын жинақты мектеп директорларының  облыстық секция отырысы өтті. Секцияға барлық аудандардан шағын жинақты бастауыш мектеп және шағын жинақты негізгі мектеп директорлары, барлығы 128 адам қатысты.

Мақсаты – шағын жинақты мектептердегі қызметі мен білім беру процесін жетілдірудің өзекті мәселелерін талқылау, шешу жолдарын айқындау, жаңашылдық идеяларды ортаға салу.

Секция жұмысы «Шеңбер» әдісімен ұйымдастырылды. Семинар барысында шағын жинақты мектептерде әр түрлi жастағы сынып оқушыларымен сабақты ұйымдастыру принциптері, өзектілігі, құрылымы; оқу үдерісін ұйымдастыруда тиімді және заманауи технологиялар қолданылуды; шағын жинақты мектептегі мектепішілік бақылау мен оқу үдерісін ұйымдастыру ерекшеліктері;  мектептегі мұғалімнің рөлі мен бастауыш  мектептегі МЖМББС-ғы өзекті мәселелерді іске асыру бағытында мазмұнды мәліметтер берілді.

Қатысушы мектеп басшылары шағын жинақты мектептердің оқу-тәрбие үдерісіндегі келелі мәселелерді ортаға салып, ой-пікір алмасты, ұсынбаларын берді.