Мемлекет басшысының мектеп оқушыларының сабаққа қатысуын толық қамтамасыз ету туралы тапсырмасын орындау мақсатында республика бойынша 9-шы жыл қатарынан 1 тамыз - 30 қыркүйек аралығында «Мектепке жол» акциясы өткізілді. Биылғы жылы акция Қазақстан Республикасының Тәуелсіздігінің 25-жылдығына орай «Бақытты балалық шақ мекені» ұранымен өткізілуде.

Акцияның мақсаты – мектеп жасындағы балаларды оқумен қамту, әсіресе әлеуметтік жағынан қорғалмаған отбасы балаларына материалдық көмек көрсету.

Акцияның алғашқы айы бойынша әлеуметтік жағынан қорғалмаған отбасының 11 112 балаларына 62,77 млн. теңгеге, соның ішінде бюджеттен тыс қаражат есебінен 7 243 балаға 34,64 млн. теңгеге қаржылай және материалдық көмек көрсетілді.

Акция барысында өмірде қиын жағдайға душар болған отбасылар мен балаларға көмек қолын созып, бүлдіршіндерге қуаныш сыйлаған демеушілер де аз болған жоқ, олар:

Қалыптасқан дәстүр бойынша биылғы жылы да ішкі істер департаментінің қызметкерлері зерде бұзылыстары бар балаларға арналған облыстық арнайы мектеп-интернатына біркүндік жалақысын аударды (1700 мың теңге), Батыс Қазақстан облысының қылмыстық-атқару жүйесі департаменті 6 оқушыға 100 мың теңгеге көмек көрсетті.

Сонымен қатар, ең қомақты үлесті Бөрлі ауданы бойынша КПО б.в. (108 оқушыға 1009 мың теңгеге), Казталов ауданының ауыл тұрғыны Ж.Сәлемгереев (3 отбасына 300 мың теңгеге) және Орал қаласының қалалық маслихат депутаты Т.Тлемисов (6 оқушыға 50 мың. теңгеге), «Спецкомплект» және «Автокомбинат» ЖШС (14 оқушыға 130 мың теңгеге), Халық банкі (10 оқушыға 108 мың теңгеге), ЖК А.Тлеугалиев (30 оқушыға 170 мың теңгеге) көрсетті.