Балалар мен жастар арасында салауатты өмір салтын насихаттау, төтенше жағдайлар кезінде іс-әрекеттерге, өз-өзіне және өзара көмек көрсетуге дайындауға бағытталған қолданбалы спорт түрлерімен шұғылдануға балалар мен жастарды тарту және әскери-патриоттық тәрбие беру мақсатында 5-7 қазан күндері «Өркен» қосымша білім беру орталығы мен БҚО Төтенше жағдайлар департаментінің ұйымдастыруымен Қазақстан Республикасы Тәуелсіздігінің 25 жылдығына арналған «Жас құтқарушылар» топтарының облыстық слеті өткізілді.

Слетке «Жас құтқарушылар» топтарының 7 командадан 56 оқушы қатысты. Командалар «Техногендік авария аймағында авариялық-құтқару жұмыстары», «Табиғи орта жағдайындағы іздеу-құтқару жұмыстары», «Су айдындарындағы іздеу-құтқару жұмыстары» жарыс түрлерінен және алғашқы медициналық көмек көрсету мен «Команданы таныстыру» сайыстарынан сынға түсті.

Жалпы командалық қорытынды бойынша I орынды Зеленов ауданының «Белес» командасы, II орынды Казталов ауданының «Жас сұнқар» және III орынды Қаратөбе ауданының «Сұнқар» топтары иеленді. Жеңімпаз командалар облыстық білім басқармасы мен БҚО Төтенше жағдайлар департаментінің кубогімен және сыйлықтармен марапатталды.