Республикалық «Спешиал Олимпикс» бағдарламасы шеңберінде 13 - 14 қазан аралығында Батыс Қазақстан облысы қалалық жүзу бассейнінің базасында Қазақстан Республикасы Тәуелсіздігінің 25 жылдығына орай жүзуден мүгедек – балалар арасында республикалық чемпионат өтті.

Шараға Қазақстанның 7 облысынан жүзге жуық тәрбиеленуші және зерде бұзылыстары бар балаларға арналған интернаттық мекемелер түлектері қатысты.

Ең көп қатысушы Батыс Қазақстан облысының білім саласындағы тәрбиеленушілері, зерде бұзылыстары бар балаларға арналған облыстық мектеп – интернат түлектері және әлеуметтік қорғау саласындағы психикалық – неврологиялық диспансер тәрбиеленушілері болды, сайыстың қорытындысы бойынша Батыс Қазақстан облысының командасы жалпы командалық есепте бірінші орынды иеленді.

Зерде бұзылыстары бар балаларға арналған облыстық мектеп – интернатында 5 алтын, 2 күміс және 2 қола жүлделер бар.