«Ұлы дала елі – Тәуелсіздіктің 25 негізі» тақырыптық 25 жұлдызды күн Білім және ғылым министрлігінің жоспары бойынша 2016 жылдың 22 қараша күні "Қазақстан Республикасы Қорғаныс Министрлігінің әскери-техникалық мектебі" Республикалық мемлекеттік қазыналық кәсіпорының Орал филиалы базасында «Жас Ұлан» облыстық әскери-патриоттық ойыны өткізілді.

Әскери-патриоттық ойынның мақсаты: Ел тарихындағы маңызды мерекелердің бірі Тәуелсіздік күнін атап өту, оқушылардың патриоттық сезімін тәрбиелеу. Білім алушыларды Отан сүйгіштікке тәрбиелеу, Отан алдындағы жауапкершілік сезімін қалыптастыру, Қазақстан халқының ұлттық, әскери және еңбек дәстүрлерін жалғастыру.

Техникалық және кәсіптік білім беретін оқу орындарынан 12 команда құрамында 132 білім алушылар қатысты.

Әскери-патриоттық ойындары бекітілген бағдарламасы бойынша өткізілді.

Жарыстың қорытындысы бойынша Батыс Қазақстан облысы білім басқармасы дипломдарымен және грамоталарымен мадақталды. I-орын Ж.Досмұхамедов атындағы педагогикалық колледжі командасы, II-орындарды Құрманғазы атындағы музыкалық колледжі және Орал ақпараттық технологиялар колледжі командаларына  берілді. III-орындармен Орал гуманитарлық техникалық колледжі, Республикалық жоғары техникалық колледжі пен Батыс Қазақстан индустриалды колледжінің командалары марапатталды.