2016 жылдың 28 желтоқсанында Қазақстан халқы Ассамблеясы Үйінде «Жаңартылған білім мазмұны: бүгіні мен болашағы» тақырыбында кеңес өткізілді.

Кеңес жұмысына Батыс Қазақстан облысының әкімі А.С. Көлгінов, жоғарғы оқу орны және кәсіптік және техникалық білім беру ұйымдарының басшылары, «Өрлеу» біліктілікті арттырудың Ұлттық орталығы» акционерлік қоғамының филиалы «Батыс Қазақстан облысы бойынша педагогикалық қызметкерлердің біліктілігін арттыру институтының, Орал қаласындағы физика-математикалық бағыттағы «Назарбаев зияткерлік мектебі» мен «Педагогикалық шеберлік орталығының» басшылары мен қызметкерлері, аудандық, қалалық білім беру бөлімінің мамандары, әдіскерлері, мектеп директорлары мен педагогтері  қатысты.

Шара барысында «Жаңартылған бағдарлама аясындағы оқытудың тиімді әдіс-тәсілдер», «Білім беру саласындағы өзгеріс жағдайында Назарбаев Зияткерлік Мектебінің тәжірибесі тарату», «Мектептің кураторлық қызметін ұйымдастыру» мәселелері талқыланды.

Кездесу соңында сала қызметкерлері Қазақстан Республикасы Білім және ғылым министрлігі Ы.Алтынсарин атындағы Ұлттық білім академиясының және Батыс Қазақстан облысы әкімінің Алғыс хаттарымен, Батыс Қазақстан облыстық білім басқармасының «Құрмет грамотасымен» марапатталды.