2016 жылғы 23 желтоқсанда мектеп оқушылары арасында «Спорт – біздің өмірімізде» атты жалпы республикалық шығармалар байқауы Универсиада идеясын насихаттау, мектеп оқушылары арасында спорттағы жоғары жетістіктер мен құндылықтарды дамыту және тарату мақсатында өткізілді.

Аталған байқау Студенттік спорт федерациясы, Қазақ спорт және туризм академиясы және Алматы қаласындағы 2017 жылғы 28-ші Бүкіләлемдік қысқы Универсиада дирекциясының қолдауы және Мектеп спорты федерациясы мен Қазақстанның жауынгерлік өнер республикалық одағының бастамасымен ұйымдастырылды.

Байқау 9-11 сынып оқушылары арасында үш аталым бойынша оздырылды:
«Еліміздің спорттағы жетістіктерінің тарихы»;
«Менің арманым – олимпиада чемпионы болу»;
«Менің спорттағы кумирім».

Байқауға облысымыздан Ақжайық, Жаңақала, Зеленов, Қаратөбе, Шыңғырлау аудандары және Орал қаласының оқушылары белсене ат салысты. Нәтижесінде 20 оқушы Мектеп спорты федерациясының естелік сертификатына ие болды.