Батыс Қазақстан облыстық білім басқармасы мектепке дейінгі, жалпы орта, техникалық және кәсіптік білім беру ұйымдары облыстық оқу-әдістемелік кабинетінің ұйымдастыруымен 2017 жылдың 16 қаңтарында жасөспірімдер тәрбиесінде отбасының рөлі мен орнын анықтау, ата-аналардың әлеуметтік пікірін, сапалық білім деңгейін, мәдениетін зерттеу, бала мен ата-ана арасындағы қарым-қатынасты нығайту мақсатында «Жасөспірімдердің өзіне деген жауапкершілігін арттырудағы отбасының рөлі» тақырыбындағы облыстық онлайн семинары оздырылды.

Семинар отырысына облыстық прокуратура, көші-қон полициясы, дін мәселелерін зерттеу, психикалық денсаулық орталықтары, қоғамдық ұйымдарының өкілдері, техникалық және кәсіптік білім беру ұйымдары директорларының тәрбие жұмысы жөніндегі орынбасарлары, психологтар, әлеуметтік педагогтар, ата-аналар комитетінің мүшелері қатысты.

Семинар барысында «Жасөспірімдерді тәрбиелеуде ата-ананың жауапкершілігі», «Жасөспірімдердің діни сауаттылығын қалыптастырудағы ата-ананың рөлі», «Оқу уақыты кезінде студенттерді  уақытша тіркеу туралы ақпарат», «Қоғамның жасөспірімдердің өсіп жетілуіне психологиялық әсері» тақырыптары бойынша мәселелер қаралды.

Семинарға қатысушылар қазіргі уақытта аталған шаралардың маңыздылығы жоғары екендігін айтты.