Ағымдағы жылдың 3 ақпанында Жәңгір хан атындағы Батыс Қазақстан аграрлық-техникалық университет базасында «Қорытынды аттестаттауды және ұлттық бірыңғай тестілеу форматы» туралы семинар-кеңес өтті.

Кеңеске Қазақстан Республикасы Білім және ғылым министрлігі Ұлттық тестілеу орталығы директорының орынбасары Т.Ж. Ынтымақов, аудан әкімінің орынбасарлары, Батыс Қазақстан облысының білім саласындағы бақылау департаментінің басшысы, аудандық (қалалық) білім бөлімдерінің басшылары, ұлттық бірыңғай тестілеу өткізу пункттері жетекшілері, бұқаралық ақпарат құрал өкілдері, білім беру ұйымдарының  басшылары және ата-аналар шақырылып, барлығы 350 адам қатысты.

Барлық білім беру ұйымдары семинар-кеңес жұмысына онлайн режимде қосылды.

Семинар-кеңес барысында қорытынды аттестаттау және ұлттық бірыңғай тестілеу форматы туралы айтылып, қойылған сұрақтарға жауап берілді.