2017 жылғы 9 ақпанда Батыс Қазақстан облысының білім басқармасының ұйымдастыруымен «Дарын» қосымша білім орталығының базасында облыстық X «Мұқағали оқулары» байқауы өтті.

Шығармашылық байқауға Ақжайық, Бөкейордасы, Бөрлі, Жаңақала, Жәнібек, Зеленов, Казталов, Теректі, Тасқала, Сырым, Шыңғырлау аудандары мен Орал қаласының, сонымен қатар облыстық мектептердің оқушылары қатысты.

Сайыс алты кезеңнен тұрды: мәнерлеп оқу, өз туындысын оқу, ақынның поэмаларын жатқа айту, дайын ұйқасты пайдалана отырып, түйінді өлең шумағын құрау, ақынның шығармашылығы мен өмір жолы туралы сұрақтарға жауап беру.

Байқау қорытындысында үздік нәтиже көрсеткен Болатова Айару, дарынды балаларға арналған мамандандырылған  С.Сейфуллин атындағы №11 облыстық қазақ мектеп - интернат кешенінің 10-сынып оқушысы ағымдағы жылдың наурыз айында  Алматы облысы, Қарасаз ауылында өтетін байқаудың республикалық кезеңіне қатысатын болады.