2017 жылдың 9 ақпанында Зерде бұзылыстары бар балаларға арналған облыстық арнайы мектеп-интернат базасында «Білім беру ұйымдарында ерекше білімді қажет ететін балаларға коррекциялық (түзету) – дамыту жұмыстары» тақырыбында семинар – практикум өтті.

Семинарға аудандық, қалалық ЖОББМ-нің, психологиялық-педагогикалық түзеу кабинетінің, облыстық арнайы мектеп – интернатының дефектологтері қатысты.

Семинардың мақсаты: Білім беру ұйымдарында ерекше білімді қажет ететін балаларға коррекциялық (түзету) – дамыту жұмыстарының жүзеге асырудың озық іс – тәжірибелерін тарату.

Семинар барысында сол қолымен жұмыстанатын психикасы тежелген баланың графикалық дағдыларын дамыту, дефектологиялық зерттеу, жеке дамыту бағдарламасы және күнтізбелік-тақырыптық жоспарлар қарастырылып, әдістемелік шеберхана нысаны ретінде ұйымдастырылды.

Практикалық бөлімінде іс - тәжірибелерімен бөлісу мақсатында ақыл – ой бұзылысын орташа түріндегі балалардың танымдық қабілеттері мен ұсақ моторикасын дамытуда түйме терапиясын қолдану, мектеп жасына дейінгі психикалық дамуы тежелген балалармен түзету – дамыту жұмыстары, ерекше білімді қажет ететін балалалардың тактильді сезімталдығын ойын арқылы дамыту тақырыптарына мамандар өздерінің шеберлік – сыныптарын өткізді.

Семинар жұмысының қорытындысы бойынша ұсыныстар қабылданды.