Наурыз мерекесіне орай «Өнерлі қыз, өнегелі жеңге» атты облыстық сайысы |
2017 жылдың 17 наурыз күні облыстық білім басқармасының жоспарына сәйкес Қадыр Мырза Әлі атындағы облыстық мәдениет және өнер орталығында халықтың мәдени мұрасын, ұлттық мәдениет, салт-дәстүрлерін насихаттау, отбасы мәртебесін нығайту, қазақ қызына тән мінез–құлықты дәріптеу, оқушылардың бойына адамгершілік қасиеттерін қалыптастыру мақсатында «Өнерлі қыз, өнегелі жеңге» атты облыстық сайыс өтті. Шараға қалалық және аудандық мектептерінің 9–11 сынып қыз балалары өз жеңгелерімен бірге қатысты. Сайыс 3 бөлімнен: «Татулықтың паш етеміз үлгісін» таныстыру байқауы, «Сырласайық жеңеше» қойылым көрсету сайысы және үй тапсырмасы «Өнерлі өрге жүзер» өнерлерін көрсету байқауынан тұрды. Облыстық байқау қорытындысы бойынша I орынды Ақжайық ауданынан А.Әділхан және жеңгесі А.Неткалиева, II орынды Бөрлі ауданынан Р.Тажиева мен жеңгесі А.Мукатова, Казталов ауданынан Ж.Мақсотова мен жеңгесі А.Сұлтанова жеңіп алды. III орынды Бөкейорда ауданынан Б.Маратова және жеңгесі Р.Рахимова, Жаңақала ауданынан Б.Нағым мен жеңгесі Ж.Ерғалиева, Сырым ауданынан Т.Досмаева және жеңгесі Р.Ташенова, Шыңғырлау ауданынан С.Кужиева мен жеңгесі Н.Кужиева иеленді. Байқау жеңімпаздары облыстық білім басқармасының дипломдарымен және сыйлықтармен марапатталды. Барлық қатысушыларға алғыс хаттар табыс етілді. |