Ағымдағы жылдың 15 наурыз күні облыстық мамандандырылған дарынды балаларға арналған мектеп-интернаты базасында аудандық (қалалық) әдістемелік кабинет меңгерушілеріне «Кәсіби шеберхана» мектебінің бірінші отырысы ұйымдастырылды.

Мектеп мақсаты: жаңа білім беру стратегиясы жағдайында аудандық (қалалық) әдістемелік кабинеттері меңгерушілерінің теориялық және практикалық білімдерін жаңарту және тереңдету.

Мектеп жұмысына «Жаңартылған білім беруді әдістемелік қолдау – іс-әрекеттер жүйесі ретінде» тақырыбымен «Назарбаев Зияткерлік мектептері» ДББҰ «Педагогикалық шеберлік орталығы» филиалының директоры Л.В.Обыденкина, «Біліктілікті арттыру жүйесіндегі SNART-технологиясы» шеберлік сыныбымен «Өрлеу» БАҰО» АҚ филиалы БҚО ПКБАИ директорының оқу-әдістемелік жұмыс жөніндегі орынбасары Е.Н.Сафуллин қатысты. Жұмыс барысында «Әдістемелік жұмыс: мықты және әлсіз жақтары» практикалық жұмысы, «Жалпы білім беру ұйымындағы басқару қызметінің құжаттарын рәсімдеу», «Мектепішілік бақылау - білім сапасын басқару құралы ретінде» коучингтері өткізілді.

Тыңдаушылар Мектептің уақытылы құрылғанын және қаралған тақырыптардың өзектілігін атап өтті.