2017 жылғы 28 наурызда Саратов облысы, Степное кентінде инновациялық идеялардың халықаралық педагогикалық калейдоскоп (Қазақстан-Ресей) өтті. Іс-шара мақсаты – педагогтардың кәсіби құзыреттілігін қалыптастыру, білім беру сапасын арттыруға бағытталған ғылыми-теориялық және оқу-әдістемелік инновацияларды анықтау және тәжірибеге енгізу.

Форумға Батыс Қазақстан облысынан 11 өкіл қатысты. Қазақстан Республикасы, Самара және Саратов облыстарының мектепке дейінгі, жалпы білім беретін мекемелері және қосымша білім беру мекемелерінің тәжірибе өкілдерімен пленарлық отырыс және 16 секция отырысы, практикум, шеберханалар режимінде өтті.

Пленарлық бөлімде Батыс Қазақстан облысы білім беру басқармасының мектепке дейінгі, жалпы орта, техникалық және кәсіптік білім беру ұйымдарының облыстық оқу-әдістемелік кабинеті  директорының орынбасары Г.А.Архипова «Батыс Қазақстан облысының инновациялық білім беру жүйесі» және Шыңғырлау аудандық білім беру бөлімінің әдіскері А.Кужиева «Әдістемелік десант - жаңартылған білім беру мазмұнын кәсіби тұрғыда дамыту» тақырыбында баяндама жасады.

Секция жұмысына облыстық оқу-әдістемелік кабинет өкілдері, Тасқала, Теректі, Шыңғырлау аудандары және Орал қаласының педагогтары қатысты.

Қатысушылар педагогикалық калейдоскоп жұмысына белсене қатысқаны үшін дипломдарға ие болды.

Аяқталғаннан кейін ұсынбалар қабылданды.