Облыс білім басқармасы мен облыстық оқу-әдістемелік кабинетінің ұйымдастыруымен 2017 жылғы 6-7 сәуір күндері «Үздік дене шынықтыру мұғалімі» облыстық байқауы өткізілді.

Байқау педагогикалық технологияларды жетік меңгерген, шығармашылықпен жұмыс жасайтын, кәсіби біліктілігі жоғары, талантты педагогтерді анықтау және қолдау мақсатында ұйымдастырылды.

Байқауға аудандық (қалалық) білім беру бөлімдерінің мектептерінен 12 үміткер қатысты.

Байқауға қатысушылар «Шебер педагог», «Жаңа мектепке – жаңашыл сабақ», «Әрбір жұмыс тәжірибесіне – тиімді тәжірибе» және «Достық Стадионы» кезеңдері бойынша сайысқа түсті.
Байқаудың қорытындысы бойынша Батыс Қазақстан облысы білім басқармасының дипломдары және бағалы сыйлықтарымен төмендегі дене шынықтыру пәні мұғалімдері марапатталды: І орын – Кусайнов Азамат Болатұлы, Орал қаласы №12 жалпы орта білім беретін мектебінің мұғалімі; ІІ орын – Смоленская Алла Викторовна, Бөрлі ауданы Бөрлі жалпы орта білім беретін мектебінің мұғалімі; ІІІ орын – Беккалиев Манарбек Кайырлыұлы, Жәнібек ауданы Ғ.Қараш атындағы жалпы орта білім беретін мектебінің мұғалімі.

Аталымдар бойынша: «Үздік заманауи сабақ» – Бекжанов Руслан Бахытұлы, Сырым ауданы Бұлдырты жалпы орта білім беретін мектебінің мұғалімі; «Үздік авторлық бағдарлама» - Сабиров Сакен Шайхышұлы, Тасқала ауданы Қ.И.Сатбаев атындағы жалпы орта білім беретін мектебінің мұғалімі; «Үздік спорттық шара» - Жакеев Ердаулет Адилханұлы, Қаратөбе  ауданы Б.Аманшин атындағы жалпы орта білім беретін мектебінің мұғалімі.

Байқау өз дәрежесінде өтті.