2017 жылғы 10-11, 14-15 сәуірде облыстық «Жас басшылар мектебінің» кезекті отырысы өтті.

Отырысқа еңбек өтілі директор қызметінде бірнеше айдан 5 жылға дейінгі облыстың жалпы білім беретін мектеп басшылары қатысты.

«Мектеп» мақсаты – білім беруді ұйымдастырудың жедел және стратегиялық басқарудың прогрессивті құралдарын меңгерген кәсіби басшыларды дайындау.

«Сапаны басқару» («Тиімді сабақ құпиясы», «Білім беру мекемелерінің жаңартылған білім беру мазмұнына көшу жағдайында педагогтардың кәсібилілігін арттырудағы әдістемелік жұмысы») және «Персоналды басқару» («Мотивацияны басқару: мақсатқа жету үшін қол астындағыларды ынталандыру») модульдерінің мәселелері қарастырылған болатын. Сабақтарға қатысып, талдау жүргізілді.

Сабақтар Орал қаласының №37 ЖОМ және А.Тайманов атындағы № 34 мектеп-гимназиясы базаларында өткізілді. Жұмысқа № 37 ЖОМ директоры Т.М. Мурадимова, А.Тайманов атындағы № 34 мектеп-гимназиясы директорының оқу-тәрбие жұмысы жөніндегі орынбасары С.Ж. Шайхиева, сондай-ақ, деңгейлік мұғалімдер тартылған болатын.