«Биіктерге бірге!» үздік спорттық жоба байқауының жеңімпаздарын марапаттау салтанаты |
2017 жылғы 11 желтоқсанда Қазақстан Республикасының Тәуелсіздік күніне орай Оқушылар және жастар сарайында облыс әкімі А.Көлгіновтің, және басқарма басшылары мен «Самұрық-Қазына» Акционерлік қоғамы компаниялар өкілдері Н.Уразалиев, Л.Диас, облыстың жас спортшылары, БАҚ өкілдері қатысқан «Биіктерге бірге!» үздік спорттық жоба байқауының жеңімпаздарын марапаттау салтанаты өтті. «Самұрық-Қазына» Акционерлік қоғамы компаниялар тобы 2017 жылғы қазан айында «Менің Елім» әлеуметтік инвестициялар бағдарламасын жүзеге асыру аясында Батыс Қазақстан облысының орта білім беру ұйымдарының «Биіктерге бірге!» үздік спорттық жобалар байқауын жариялады. Облыс бойынша байқауға 60 жалпы орта білім беретін мектеп қатысып, ең үздік 20 мектеп тандап алынды. Жеңімпаз-мектептер австриялық өндірістің спорттық құрал-жабдықтармен қамтамасыз етілді. Сонымен бірге, «Самрұқ-Қазына» АҚ облыстық түзету мектеперін арнайы құрал-жабдықтармен қамтамасыз етті. «Биіктерге бірге!» үздік спорттық жоба байқауының жеңімпаздарын марапаттау салтанатында Орал қаласының мектептен тыс жұмыс орталығының, облыстық есту және сөйлеу қабілеті бұзылған балаларға арналған арнаулы мектеп-интернат кешенінің тәрбиеленушілері өз өнерлерін көрсетті. |